Lajme
Vaksinohen me dozën e parë presidentja dhe kryetari i Kuvendit
Ministria e Shëndetësisë ka njoftuar se me dozën e parë të vaksinës kundër COVID-19 janë vaksinuar presidentja Vjosa Osmani dhe kryetari i Kuvendit, Glauk Konjufca.
Në të njëjtën kohë, ministria u ka bërë thirrje edhe qytetarëve që të vaksinohen.
Vjosa Osmani dhe Glauk Konjufca e kanë vizituar dje sallën “1 Tetori” për të parë nga afër përgatitjet për fillimin e vaksinimit në masë që do të fillojë nga java e ardhshme.
Deri tani në Kosovë janë vaksinuar rreth 100 mijë qytetarë.
“Nuk ka pasur asnjë efekt serioz anësor dhe se vaksinat janë të sigurta dhe ky proces po ecën sipas planit”, thuhet në njoftimin e ministrisë.
Gjatë kësaj vizite, presidentja dhe kryetari i Kuvendit u vaksinuan kundër COVID-19 në përputhje me planin për vaksinim të Ministrisë së Shëndetësisë.
Presidentja Osmani, me këtë rast ka porositur të gjithë qytetarët që sapo të fillojë vaksinimi masiv, t’i përgjigjen ftesës për vaksinim të Ministrisë së Shëndetësisë.
Vaksinat janë të sigurta dhe vetëm përmes vaksinimit dhe respektimit të masave, do të mund t’i kthehemi normalitetit duke mposhtur virusin COVID-19”, ka thënë ajo.
Edhe kreu i Kuvendit të Kosovës, Glauk Konjufca, ka ftuar qytetarët që ta marrin vaksinën, sepse sipas tij, është zgjidhja më e mirë kundër COVID-19.
“Me vaksinim lehtësohet edhe shteti, ngase bëhet e mundshme hapja, rikthimi i normalitetit, por edhe stabiliteti i përgjithshëm”, ka theksuar Konjufca.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve