Në 24 orë e fundit, Zvicra regjistroi 527 raste të reja me Covid

BAG nuk raporton ndonjë vdekje të re në lidhje me koronavirusin.  Nëntë njerëz shtesë u shtruan në spital

Në 24 orët e kaluara, 527 infeksione të reja me koronavirus janë raportuar në Zyrën Federale të Shëndetit Publik (BAG) nga Zvicra dhe Principata e Lihtenshtajnit, transmeton albinfo.ch.

Numri i testeve të kryera është 21,867.  BAG nuk raporton ndonjë vdekje të re në lidhje me koronavirusin.  Nëntë njerëz shtesë u shtruan në spital.

Mesatarja ditore e testimeve të kryera gjatë një jave ka qenë 26,844 teste në ditë ose 12 për qind më shumë krahasuar me javën e mëparshme.

Aktualisht BAG raporton 79 persona të cilët janë duke u trajtuar në spitale për Covid-19. Kjo është 10 për qind më pak se në javën e kaluar.

Shtretërit e kujdesit intensiv në spitalet zvicerane (përfshirë shtretërit ad hoc) janë aktualisht të shfrytëzuar në shkallën prej 71 për qind, transmeton albinfo.ch. Nga këta, 3 përqind janë të zënë nga të sëmurët nga Covid 19.

---