3 pushues mbyten sot në plazhet e Shqipërisë

Plazhet e Shqipërisë u shndërruan në arenë vdekjeje këtë të diel

Mediat në Shqipëri raportojnë se një pushues nga Kosova humbi jetën në plazhin e Velipojës, derisa dy pushues nga Maqedonia e Veriut u mbytën në plazhin e Spillesë, transmeton Albinfo.ch.

“TopChannel” bën të ditur se personi i mbytur sot në plazhin e Velipojës është shtetas i Kosovës.

“Rreth orës 11:15, në plazhin e Velipojës, shtetasi H. H.  rreth 59 vjeç, dyshohet se  është mbytur në det. Grupi hetimor ndodhet në vendngjarje dhe po punon për sqarimin e rrethanave të ngjarjes”, thotë raporti i policisë.

Po ashtu, policia ka njoftuar edhe për vdekjen e dy turistëve nga Maqedonia e Veriut që dyshohet se si pasojë e dallgëve janë mbytur në plazhin e Spillesë.

“Rreth orës 11:25, në plazhin e Spillesë, dy shtetas të gjinisë mashkullore ende të paidentifikuar, (dyshohet se janë shtetas maqedonas),  rreth 70 vjeç, dyshohet se si pasojë e dallgëve janë mbytur në det. Grupi hetimor ndodhet në vendngjarje dhe po punon për identifikimin e tyre dhe sqarimin e rrethanave të ngjarjes”, thuhet në njoftim.

 

---