Shqipëria
Edi Rama flet për CNN: Presim 4 mijë afganë
Kryeministri i Shqipërisë, Edi Rama, të mërkurën e 25 gushtit ka dhënë një intervistë për televizionin amerikan “CNN”.
Në fokus të intervistës së tij ka qenë strehimi i afganëve në Shqipëri.
Rama ka deklaruar se shteti shqiptar do të presë 4 mijë afganë, të cilët do të jenë të ndarë në dy grupe.
“Fillimisht”, tha Rama, “do të vijnë 2 mijë, më pas 2 mijë të tjerë”.
I pyetur nëse do të pranojë qëndrimin e përhershëm të afganëve nëse nuk do të merren nga Shtetet e Bashkuara të Amerikës (SHBA), Rama theksoi se “nëse duan të qëndrojnë, le të qëndrojnë”.
Sipas Ramës, vendimi i pranimit të afganëve nuk ka të bëjë me madhësinë e shtetit, as të pasurisë por të identitetit.
“Në atë kohë ishim edhe më keq ekonomikisht dhe kemi strehuar 500 mijë banorë në një vend me 3 milionë banorë. Nuk na zhduku nga harta, as nuk na vdiq urie, por na bëri moralisht më të pasur”, tha kryeministri shqiptar gjatë intervistës.
Rama ka nënvizuar faktin se, nuk është koha e duhur për të folur mbi të ardhmen e NATO-s, por për të menduar për ata që ndodhen atje.
Ai ka risijellë në vëmendje aktin e kancelares gjermane, Angela Merkel, e cila para disa vitesh iu hapi dyert refugjatëve nga vendet e luftës.
“Merkel, shpëtoi nderin e Evropës”, u shpreh Rama.
Numri një i qeverisë, paralelizoi regjimin komunist në Shqipëri me atë të talebanëve në Afganistan.
“Për këtë fakt, ne ishim talebanë para 30 vitesh, dhe e njohim situatën ku ata ndodhen”, deklaroi kryeministri.
Ai ravijëzoi se, e gjithë kjo nuk ka të bëjë me shtetet, besimet, numrat, por me njerëzit që besuan, njësoj si shqiptarët pas rënies së komunizmit.
Sipas Ramës, nëse procesi i strehimit të afganëve nuk kryhet, do të ishte një zhgënjim për brezat e ardhshëm.
Në përfundim të intervistës së tij, gazetarja Bianna Golodryga, ka falënderuar kryeministrin shqiptar për shembullin që iu ka dhënë fqinjëve dhe vendeve më të pasura.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Shtim i rasteve të sulmeve ndaj infermierëve në Zvicër Dhuna po përshkallëzohet gjithnjë e më shumë në spitalet dhe klinikat zvicerane, raporton “SonntagsBlick”. Sipas një...
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë