Lajme
Dërgesat me robotë janë e ardhmja e postës
Rritje enorme e dërgesave nëpërmjet robotëve në nivel global
Gjiganti i teknologjisë kineze dhe platforma e blerjeve online Alibaba po vë në punë 1,000 robotë autonomë për të bërë dërgesa në gjithë Kinën gjatë gjithë vitit të ardhshëm.
Në një postim kompania u shpreh se robotët ishin një mënyrë “e shpejtë, e besueshme dhe relativisht e lirë” për të përballuar kërkesën e lartë të dërgesave me postë në Kinë, tregun më të madh botëror të blerjeve online.
Robotët e quajtur ‘Xiaomanlv’ apo ‘gomarët e vegjël’ mund të dërgojnë rreth 50 pako në të njëjtën kohë dhe rreth 500 kuti në një ditë, duke përshkuar 100 kilometra në një karikim të vetëm, u shpreh kompania.
Alibaba gjithashtu u shpreh se robotët mund të tejkalonin ‘problemin’ e dërgesave me vonesë, duke qenë se atyre nuk u duhet të ngecin në trafik apo të ngatërrojnë rrugën.
Gjatë një tjetër postimi, një punonjës i kompanisë u shpreh se robotët do t’i mbaronin dërgesat e tyre pa iu dashur të “ndalojnë për një pushim apo për të pirë një cigare”.
Të dhëna nga shërbimet postare në Kinë tregojnë se numri i dërgesave që nisen me postë në këtë shtet është 9-fishuar gjatë 8 vjetëve të fundit.
Në vitin 2013, kishte 9.2 miliardë dërgesa në Kinë, ndërsa në vitin 2020 ky numër ka shkuar në 83.4 miliardë.
Dhe Kina nuk është vendi i vetëm. Pas pandemisë së COVID-19, që i detyroi njerëzit të qëndronin në shtëpi për një kohë shumë të gjatë vitin e kaluar, 13 vendet më të pasura në botë dërguan mbi 100 miliardë dërgesa të vogla mes njëri-tjetrit.
E-Diaspora
-
“FjalaFest”, festivali i letërsisë shqipe në Milano “FjalaFest” titullohet festivali i letërsisë shqipe që do të zhvillohet për herë të parë në Milano,...
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?