Nuk ka konsensus për shtyrjen e zgjedhjeve, 17 tetori mbetet data

Foto Ilustrim

Presidentja e Kosovës, Vjosa Osmani pas takimit që ka pasur me krerët e partive politike në vend ka konfirmuar se data e zgjedhjeve komunale do të mbetet 17 tetori, transmeton Albinfo.ch.

Në takimin me partitë ku u diskutua rekomandimi i IKSHP-së për shtyerjen e zgjedhjeve, Osmani shprehu keqardhje që nuk u mbështet ky rekomandim.

“Para se të thirrja takimin kam kërkuar analizë nga IKShPK-ja lidhur me procesin zgjedhor. Është rekomanduar nga Instituti të bëhet shtyrja e procesit zgjedhor. Ky nuk është vlerësimi i vetëm që ne kemi kërkuar nga Instituti, një vlerësim i tillë është kërkuar edhe për fillimin e shkollave dhe kemi marrë përgjigjen e institutit për atë çështje. Mënyra e vetme për të shtyrë zgjedhjet është arritja e një pajtimi në pushtet dhe opozitë. Unë e respektoj qëndrimin e partive politike por nuk pajtoj me ta. Shtyrja më e madhe e zgjedhje do të ishte më së shumti deri në dy muaj, kjo për t’iu dhënë afat stafit shëndetësor ta fus në kontroll situatën”, theksoi Osmani.