Kosova

Largohen barrikadat dhe Njësia Speciale në Jarinjë, KFOR-i merr nën kontroll situatën

E shtunë, 2 Tetor 2021 - 16:16 albinfo.ch

Ushtarët e KFOR-it tashmë kanë marrë nën kontroll situatën në veri, teksa serbët kanë larguar barrikadat që kishin krijuar para dy javësh.

Nga Jarinja po ashtu janë larguar edhe Njësia Speciale e Kosovës, raportojnë mediat kosovare.

Qarkullimi i veturave tashmë ka filluar në këtë anë.

Serbët lokalë tash e dy javë kishin bllokuar rrugët me kamionë, duke pamundësuar kështu lëvizjen e automjeteve, e duke detyruar qytetarët të kalojnë në këmbë kufirin.

Kosova dhe Serbia kanë arritur marrëveshje për reciprocitet para dy ditësh.

Marrëveshja parasheh që serbët të largojnë bllokadat nga rrugët, e që në vendkalimet kufitare të vendosen ushtarët e KFOR-it, po ashtu nga marrëveshje është paraparë që të largohet edhe Njësia Speciale.

 Të tjera nga Kosova

Konjufca në Këshillin e Sigurimit të OKB-së: Kosova shtet i konsoliduar, Serbia pengon normalizimin

 E-Diaspora

 Jeta në Zvicër