Shifra rekorde të vdekjeve nga Covid-19 në Rusi

Foto: Ministria e Shëndetësisë e Kosovës

Rusia raportoi të shtunën më shumë se 1.000 vdekje ditore për shkak të COVID-19, për herë të parë që nga fillimi i pandemisë.

Ishte dita e tretë me radhë që Rusia raportoi raste rekord të të infektuarve dhe vdekjeve, me më shumë se 33.000 raste të reja të raportuara gjithashtu në një ditë të vetme.

Autoritetet ende nuk duket se do të ashpërsojnë masat anti-COVID, në një përpjekje për të ruajtur ekonominë.

Rusia ka një normë të ulët vaksinimi me pak më shumë se 30% të popullsisë të vaksinuar plotësisht kundër virusit dhe autoritetet kanë fajësuar publikun për mosvaksinimin.