Sporte Luftarake
Pse boksierët e Kosovës nuk u lejuan të futen në Serbi
Mësohet se shteti serb nuk e ka lajuar ekipin e Kosovës në boks të futet në territorin e saj, për shkak të simboleve të shtetit.
Duket se lufta politike mes Serbisë dhe Kosovës arrin të ketë ndikim edhe në fushën e sportit. Nga data 23 tetor deri më 6 nëntor në Serbi do të mbahet turneu botëror i boksit për amatorë, ku Kosova do të përfaqësohej nga tre boksierë shembullorë: Patriot Behrami, Shpetim Bajoku dhe Bashkim Bajoku.
Por, kjo nuk u mundësua, ngaqë reprezentacioni i Kosovës në boks nuk u lejua të hynte në shtetin e Serbisë përmes pikës kufitare Dheu i Bardhë, kjo për shkak të simboleve të shtetit të Kosovës në veshjet e tyre.
Policia kufitare u kërkoi që veshjet me simbolet dhe emrin e Kosovës t’i kthenin prapa dhe në këtë mënyrë do të lejoheshin të hynin dhe të përcilleshin deri në vendin ku mbahet kampionati. Por, një gjë të tillë nuk e pranua nga kombëtarja e Kosovës në boks. Kështu u prononcuan gjyqtari ndërkombëtar nga Kosova, Latif Demolli dhe selektori i boksit për meshkuj, Besim Brahimi, të cilët gjithashtu u ndaluan të hynin në Serbi, bashkë me boksierët nga Kosova.
Lidhur me ketë ngjarje reagoi edhe Federata Ndërkombëtare e Boksit AIBA. Ajo u bëri apel udhëheqësve të Serbisë që të mos e shohin pjesëmarrjen e Kosovës në kampionat me sy politik dhe boksierët e Kosovës nuk kanë bërë asgjë me politikë. Ajo apeloi që kjo çështje të zgjidhet në interes të sportistëve.
Por autoritetet serbe nuk e lejuan futjen e ekipit të Kosovës. Në këtë kampionat do të marrin pjesë edhe reprezantacioni nga Shqipëria, të cilët jozyrtarisht i konfirmuan kombetarës së Kosovës se nëse nuk do të lejohej të merrte pjesë ekipi nga Kosova, gjithashtu do të tërhiqeshin edhe ata. Por, këtë gjë nuk e bënë për shkak të frikës së ndëshkimit nga AIBA, kështu raportuan mediat kosovare.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla