Erdogan thotë se Turqia nuk do të pranojë më emigrantë

Presidenti turk, Recep Tayyip Erdogan, deklaroi se Turqia nuk është në gjendje të akomodojë më migrantë.

”Vendi ynë që tashmë pret pesë milionë refugjatë, duke përfshirë 3,6 milionë sirianë, nuk mund të përballojmë më një valë të re migrimi”, theksoi Erdogan, transmeton Ansa, përcjell Albinfo.ch.

Sipas presidentit turk, ”rreziku i një fluksi të ri e emigrantëve është sot kryesisht i shkaktuar nga kriza në Afganistan pas pushtimit nga talebanët”.

”Pesha më e madhe e krizës së migracionit përballohet nga shtetet fqinje dhe jo nga vendet perëndimore”, shtoi Erdogan.