Ministria e Infrastrukturës njofton si është gjendja në rrugët e Kosovës

Ministria e Mjedisit, Planifikimit Hapësinor dhe Infrastrukturës ka njoftuar se pash reshjeve të borës dhe shiut, gjendja në rrugët e Kosovës është e mirë.

Sipas njoftimit, të gjitha rrugët janë të qarkullueshme përpos në viset malore, ku apelohet të vozitet me kujdes të shtuar.

“Kompanitë kanë intervenuar gjatë tërë natës në pastrimin e rrugëve. Edhe rrugët malore: Kullë, Bogë, Bajgor dhe rrugët e tjera janë të hapura. Kërkojmë nga ana e vozitësve që te respektojnë rregullat e vozitjes gjatë kësaj kohe”, thuhet në njoftimin e MI-së.

Ndryshe, sot mbi vendin tonë është njoftuar nga se do të mbajë mot i vranët me reshje shiu dhe bore.

Temperaturat minimale do të lëvizin ndërmjet 0-1 gradë Celsius, ndërsa maksimalet e ditës parashihen të lëvizin ndërmjet 2-3 gradë Celsius.