Shqipëria

Shqipëri: Bie numri i aksidenteve rrugore

E diel, 19 Dhjetor 2021 - 17:40 albinfo.ch

@pixabay

Sipas një publikimi të INSTAT, gjatë muajit nëntor të këtij viti u shënua rënie e numrit të aksidenteve rrugore, krahasuar me të njëjtën periudhë një vit më parë.

Me 3.6 % ka rënë numri i aksidenteve rrugore në muajin nëntor 2021, krahasuar me nëntor 2020.

Në muajin nëntor, llogariten 106 aksidente rrugore, ndërkohë që në nëntorin e vitit 2020 llogariteshin 110 aksidente.

Gjithashtu, rënie me 16.5 % shënon numri i aksidenteve në muajin nëntor 2021, krahasuar me muajin tetor të këtij viti.

Në 11-mujorin 2021 numërohen 1.257 aksidente rrugore nga 1.121 aksidente të ndodhura në 11-mujorin 2020, duke regjistruar një rritje me 12,1 %. Por, krahasuar me 11-mujorin 2019, numri i aksidenteve është ulur me 7.8 %.