Lajme

Gjermania kufizon hyrjen për personat që udhëtojnë nga Britania

Që nga mesnata e sotme turistët e Mbretërisë së Bashkuar janë të ndaluar në Gjermani. Masa e re u mor si përpjekje për të frenuar përhapjen e variantit Omicron.

E diel, 19 Dhjetor 2021 - 17:30 albinfo.ch

( Jan Woitas/dpa via AP)

Vetëm shtetasit ose banorët gjermanë, si dhe partnerët dhe fëmijët e tyre, do të lejohen të hyjnë në vend. Atyre do t’u kërkohet:

-të tregojnë një test negativ PCR të marrë brenda 48 orëve para nisjes,

-karantinë dy javore pas mbërritjes.

Këto rregulla zbatohen pavarësisht nga statusi i vaksinimit ose shërimi nga COVID.

Rregullat e reja do të jenë në fuqi të paktën deri më 3 janar për shkak se Gjermania e klasifikon Mbretërinë e Bashkuar si zonë rreziku. Kjo e fundit raportoi dje mbi 90 mijë raste të reja të infektimeve me Omicron.