Aksident me fatalitet në magjistralen Prishtinë-Pejë

Dy persona kanë vdekur si pasojë e një aksidenti që ka ndodhur sonte në magjistralen Prishtinë-Pejë.

Lajmin e ka konfirmuar zëdhënësi i Policisë për Rajonin e Pejës, Driton Rugova, i cili ka bërë të ditur se aksideni ka ndodhur ndërmjet një veture dhe një kamioni.

Policia ka konfirmuar se në mesin e viktimave është edhe një fëmijë.

“Në këtë aksident ishin të përfshira një veturë dhe një kamion, si pasojë fillimisht dy persona kanë pësuar lëndime trupore, të lënduarit me autoambulancë janë dërguar në emergjencën e Spitalit Rajonal në Pejë. Nga mjeku kujdestar është konfirmuar se dy personat e lënuar, një fëmijë dhe një person i moshës madhore kanë arritur në spital pa shenja jete”, thuhet në komunikatën e Policisë.

Trupat e viktimave janë dërguar në Institutin e Mjekësisë Ligjore për obduksion.

Aksidenti ka ndodhur në orën 18:25, në fshatin Zajm të Klinës, shkruajnë mediat kosovare, përcjell albinfo.ch