Starton mësimi në shkollat austriake

(KEYSTONE/Alexandra Wey)

Shkollat e Austrisë rihapen sot dhe mbeten në një fazë Sicherheitsfaze (“faza e sigurisë”) që do të thotë se duhet të vendosen maska në të gjitha zonat e mbyllura të shkollës dhe nxënësit duhet të bëjnë teste Covid tri herë në javë, pavarësisht nga statusi i tyre i vaksinimit, njofton albinfo.at.

Këto masa fillimisht ishin në fuqi të paktën deri në fund të kësaj jave, por që tani është shtyrë deri më 28 shkurt.

Nëse ka një rast të vetëm të konfirmuar të Covid-19 në një klasë, mësimi në klasë vazhdon dhe vetëm fëmija që ka rezultuar pozitiv duhet të qëndrojë në shtëpi. Megjithatë, fëmijët e mbetur më pas duhet të testohen çdo ditë për pesë ditë, dhe nëse gjendet një rast tjetër me koronavirus brenda tre ditëve, e gjithë klasa duhet të kalojë në mësimin në distancë. /Albinfo.at