Rama pyet shqiptarët: A duhet legalizuar kanabisi?

Për këtë temë ai po kërkon mendimin e qytetarëve shqiptarë

Kryeministri i Shqipërisë ka hapur në publik një çështje shumë të ndjeshme dhe të debatueshme, siç është ajo e legalizimit të kanabisit për qëllime mjekësore.

Për këtë temë ai po kërkon mendimin e qytetarëve shqiptarë, duke parashtruar edhe pyetje publike përmes rrjetit të tij social, njofton Albinfo.ch.

“Ka njerëz që thonë se Shqipëria duhet të lejojë kultivimin, përpunimin dhe eksportimin e kontrolluar nga shteti të kanabisit për qëllime mjekësore, pa e legalizuar për arsye përdorimi vetjak. Të tjerë thonë që kanabisi nuk duhet të lejohet as për qëllime mjekësore. Si mendoni ju?”, thuhet në pyetësorin e publikuar nga Rama.

---