Kosova e Serbia, me marrëveshje për të mos e ‘sulmuar’ njëra-tjetrën

Lajmin se është duke u përgatitur një marrëveshje e tillë e dha zëvendës kryeministri i Kosovës

Zëvendëskryeministri i parë, Besnik Bislimi, ka thënë se Kosova dhe Serbia po bisedojnë në Bruksel marrëveshjen, sipas të cilës zotohen të mos e sulmojnë njëra-tjetrën.

Bislimi ka thënë për Kanal 10 se Bashkimi Evropian po e ndërmjetëson marrëveshjen e tillë.

Sipas tij, fillimisht Serbia kishte refuzuar të flasë për këtë temë, por BE-ja do ta quajë “marrëveshje mirëbesimi” mes palëve.

Sipas njeriut të dytë të qeverisë, një takim mes krerëve të shtetit pritet të ndodhë para zgjedhjeve të Serbisë, që mbahen në fillim të prillit.

Bislimi ka thënë se raportet e Kosovës me SHBA-në kurrë nuk kanë qenë më të mira se nën këtë qeveri.

---