Kosovë: Arrestohet gruaja që dyshohet se vodhi dy çanta në Vjenë

Akuzohet se vodhi dy çanta në Vjenë

Raportohet se një grua është arrestuar në aeroportin “Adem Jashari” nën dyshimin për vjedhje, përcjell albinfo.ch.

Referuar njoftimit nga Policia, zyrtarët kufitarë të aeroportit kanë identifikuar dhe arrestuar të dyshuarën shqiptare, me shtetësi austriake, pasi që e njëjta në aeroportin e Vjenës dyshohet se ka marrë dy çanta që nuk ishin pronë e saj.

Pas shkëmbimit të informacioneve dhe fotove të personit me autoritetet austriake, me të arritur në aeroportin e Prishtinës, e dyshuara është identifikuar nga zyrtarët policorë.

Me vendim të prokurorit është iniciuar rasti ndaj të dyshuarës së arrestuar dhe e njëjta është dërguar në mbajtje.

---