Swiss pezullon fluturimet për në Ukrainë

Linja ajrore zvicerane pezullon përkohësisht fluturimet e saj drejt Ukrainës, dhe në veçanti kryeqytetit Kiev, nga java e ardhshme

Për shkak të tensioneve në rritje, linja ajrore zvicerane pezullon përkohësisht fluturimet e saj drejt Ukrainës, dhe në veçanti kryeqytetit Kiev, nga java e ardhshme. Të gjitha fluturimet do të anulohen nga e hëna 21 deri më 28 shkurt, tha një zëdhënës i Swiss për Keystone-ATS, transmeton albinfo.ch.

“Siguria e pasagjerëve dhe anëtarëve të ekuipazhit ka përparësinë kryesore në çdo kohë,” shtoi zyrtari i shtypit, duke shpjeguar masën. Udhëtarët e prekur nga anulimet do të informohen. Swiss aktualisht nuk e përdor hapësirën ajrore të Ukrainës për fluturime. Kompania tha se monitoron nga afër situatën dhe është në kontakt me autoritetet.

Linjat e tjera ajrore të grupit Lufthansa – Austrian Airlines, Brussels Airlines dhe Eurowings – gjithashtu njoftuan se do të pezullojnë fluturimet për në Ukrainë nga java e ardhshme.

---