Danimarka, vendi i parë që lejon vullnetarët të luftojnë në Ukrainë

Lufta - unsplash

Bëhet e ditur se Danimarka është vendi i parë evropian që ka lejuar vullnetarët t’u bashkohen luftimeve në Ukrainë, përcjell albinfo.ch.

Shumë qytetarë të veshur me uniformat ushtarake janë nisur nga aeroporti i Koepnhagenit drejt Ukrainës.

Ajo do të quhet brigada e të huajve. Thirrja e një dite më parë nga presidenti Zelenski është përqafuar nga shumë qytetarë të Evropës, ndërkohë që edhe krerët e shumë shteteve janë shprehur se do të mbështesin të gjithë vullnetarët që do t’i bashkohen rezistencës së popullit ukrainas.

Më herët gjatë të dielës sekretarja e jashtme e Britanisë konfirmoi se ajo do të mbështeste çdo vullnetar që do të luftonte për lirinë dhe demokracinë, jo vetëm të Ukrainës, por edhe të Evropës.