Austri: Diskutohet për karburantin, neutralitetin dhe rritjen e shpenzimeve ushtarake

pixabay

Qeveria e Austrisë u takua në një këshill të posaçëm të martën dhe ripohoi neutralitetin e Austrisë në kontekstin e luftës në Ukrainë, transmeton albinfo.ch.

Si kancelari Karl Nehammer (ÖVP), ashtu edhe zëvendëskancelari Werner Kogler (të Gjelbërit) kërkuan sanksione të mëtejshme kundër Rusisë dhe theksuan nevojën për një tranzicion më të shpejtë të energjisë në energjinë e rinovueshme.

Megjithatë, ndërsa kjo është duke u zhvilluar, Nehammer ka vizituar Emiratet e Bashkuara Arabe dhe Katarin për të eksploruar opsione të tjera të energjisë. Kancelari Nehammer tha gjithashtu se Austria do të shpenzonte më shumë për sigurinë dhe mbrojtjen kombëtare ushtarake.

Nehammer për sanksionet ruse: “Austria është dhe do të mbetet neutrale”. /Albinfo.at