Lajme
Në moshën 81-vjeçare, ka vdekur ish-zëvendëskancelari i Austrisë, Erhard Busek
Familja e të ndjerit ka bërë të ditur se ai ka vdekur mbrëmjen e së dielës, përcjell albinfo.ch.
Vlen të theksohet se nga viti 1991 deri në vitin 1995 ai ishte zëvendëskancelar dhe kryetar i Partisë Popullore të Austrisë, më parë edhe sekretar i përgjithshëm i saj.
Së fundmi, ai ishte kryetar i Bordit të Institutit për Rajonin e Danubit dhe Evropën Qendrore (IDM). Në paraqitjet dhe intervistat televizive, ai vazhdimisht i komentoi ngjarjet aktuale në partinë e tij. Ai e quajti një gabim kandidatin e atëhershëm presidencial Andreas Kohl dhe ish-kancelarin Schallenberg.
Ai e filloi karrierën e tij në Partinë Popullore të Austrisë në vitin 1964, teksa në vitin 1969 u bë zëvendëssekretar i përgjithshëm. Në vitin 1975, derisa kancelar ishte Bruno Kreisky, ai u zgjodh kryetar i kësaj partie. Në vitin 1995, ai u bë kryetar i IDM-së.
Erhard Busek ishte edhe koordinatori i Paktit të Stabilitetit, që ekzistonte nga vitit 1999, ky institucion kishte për detyrë përpjekjet ndërkombëtare për të ndihmuar këtë rajon. Vendet që ishin përfshirë në programin e ndihmave të Paktit të Stabilitetit ishin: Kosova, Shqipëria, Bosnjë e Hercegovina, Bullgaria, Kroacia, Maqedonia, Moldavia, Rumania, Serbia dhe Mali i Zi.
Instituti e konfirmoi vdekjen e tij të hënën. “Anëtarët e bordit, menaxhmenti dhe ekipi i IDM-së janë të trishtuar thellë. Ngushëllimet tona shkojnë për familjen dhe të afërmit e tij”, shkruan Heute. at.
E-Diaspora
-
Shqipëria, pjesë e paradës së karnavaleve në Berlin Bëhet e ditur se edhe Shqipëria do të jetë pjesë e paradës së karnavaleve në Berlin,...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”