Deputetët e Kosovës nuk miratojnë projektkodin civil i cili mundësonte martesat e gjinisë së njëjtë

Deputetët e Kuvendit të Kosovës kanë kundërshtuar votimin e projektkodit civil, i cili do t’u hapte udhë martesave të gjinisë së njëjtë, njofton Albinfo.ch.

Projektkodi Civil nuk ka kaluar në lexim të parë, duke qenë se 29 vota ishin kundër, 28 pro dhe katër abstenime.

Mospajtimet e deputetëve kishin të bënin me nenin që do të mundësonte hartimin e një ligji të posaçëm, përmes të cilit do të lejohej regjistrimi i “bashkësive civile” ndërmjet personave me gjini të njëjtë.