Lajme
Rrëzohet avioni, vdesin katër ushtarë amerikanë
Stërvitje në Norvegji
Katër ushtarë amerikanë kanë vdekur pas rrëzimit të një avioni gjatë stërvitjeve të NATO-s. Këto stërvitje nuk ishin të lidhura me luftën në Ukrainë, tha të shtunën kryeministri norvegjez, përcjell albinfo.ch.
Kryeministri norvegjez, Jonas Gahr Støre, shkroi në Twitter se rrëzimi i avioni ka ndodhur të premten mbrëma, ndërkaq shtoi se po hetohen shkaqet e këtij incidenti.
“Ushtarët po merrnin pjesë në stërvitjet e NATO-s të quajtura ‘Përgjigjja e Ftohtë’”, tha ai, teksa shprehu ngushëllime për familjarët e ushtarëve të vrarë.
Avioni i tipit V-22B Osprey i përkiste marinës amerikane, thanë forcat e armatosura norvegjeze.
“Avioni kishte në bord katër pjesëtarë dhe u nis në një mision stërvitor në qarkun Nordland”, në veri të Norvegjisë, u tha në deklaratë.
Kryeministri norvegjez tha se avioni ishte paraparë të ateronte para orës 18:00 të premten, por u rrëzua në jug të qytetit Bodo. Policia dhe ekipet e shpëtimit kanë dalë menjëherë në vendin e ngjarjes, ndërkaq në orët e para të së shtunës autoritetet konfirmuan se katër pjesëtarët e ekuipazhit kanë vdekur.
Stërvitjet e përvitshme ushtarake të NATO-s në Norvegji nuk janë të lidhura me Ukrainën. Këtë vit, në këto stërvitje marrin pjesë rreth 30,000 trupa, 220 avionë dhe 50 anije nga 27 vende. Shtetet që nuk janë pjesë e NATO-s, Finlanda dhe Suedia po ashtu po marrin pjesë në këto stërvitje.
Stërvitjet kanë nisur më 14 mars dhe do të përfundojnë më 1 prill.
E-Diaspora
-
Ambasada e Kosovës në Austri u bën thirrje mërgimtarëve që të regjistrohen Ambasada e Kosovës në Austri u ka bërë thirrje mërgimtarëve që të regjistrohen, përcjell albinfo.ch. Siç...
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
Jeta në Zvicër
-
Heidi Heiz: Ndërtuese e urave në arsim – Nga asistentja, në menaxhimin e shkollës Është e rëndësishme që çdo nxënës të mos e përjetojë një gjuhë të huaj si pengesë,...
-
Nemo performoi për Zvicrën në Eurovision
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë