Kosovë, mot i vranët e me shi

Në viset malore priten edhe reshje bore

Instituti Hidrometeorologjik i Kosovës ka njoftuar se sot do të mbajë mot kryesisht i vranët dhe me reshje shiu.

Sipas njoftimit, në viset e larta malore parashihet që reshjet e shiut të shoqërohen edhe me borë.

Kjo situatë e krijuar meteorologjike do të ndikojë dukshëm në rënien e temperaturave, kryesisht të atyre maksimaleve për 8-10 gradë Celsius.

Temperaturat minimale do të lëvizin ndërmjet 3-6 gradë Celsius, ndërsa maksimalet e ditës parashihen të lëvizin ndërmjet 6-10 gradë Celsius. Do të fryjë erë kryesisht nga verilindja me shpejtësi 1-6m/s.

---