Lajme
Zvicra bllokon kërkesën gjermane për dërgimin e municioneve në Ukrainë
Autoritetet në Bernë kanë refuzuar – në bazë të neutralitetit – dy kërkesa të fundit nga Gjermania për të rieksportuar municion të prodhimit zviceran në Kiev, raporton gazeta SonntagsZeitung.
“Të dyja pyetjeve të Gjermanisë iu përgjigjën negativisht, duke iu referuar neutralitetit zviceran dhe kritereve të detyrueshme të refuzimit të ligjit për materialet e luftës”, tha një zëdhënës i Sekretariatit Shtetëror të Çështjeve Ekonomike të Zvicrës (SECO) për gazetën të dielën, përcjell albinfo.ch.
SECO nuk konfirmoi nëse kërkesat kishin të bënin me municionet e përdorura në automjetet luftarake të këmbësorisë Marder – tanke të kërkuara nga Kievi dhe të cilat aktualisht janë pjesë e debateve në Gjermani për dërgimin e materialit ushtarak në Ukrainë.
Kancelari Olaf Scholz këtë javë është përballur me kritika të rënda për hezitimin e qeverisë së tij për të dorëzuar armë të rënda në Kiev për të ndihmuar në mbrojtjen e Ukrainës kundër sulmeve ruse, ndërsa anëtarët e tjerë të NATO-s shtojnë dërgesat.
Scholz ka thënë se stoqet ushtarake të Gjermanisë janë tepër të varfëra për të dërguar ndonjë armë të rëndë në fushëbetejë, si tanke dhe obus, ndërsa ato që industria gjermane ka thënë se mund të furnizojë nuk mund të vihen lehtësisht në përdorim.
Neutraliteti zviceran dhe rregullat e eksportit të armëve ndalojnë dërgimin e armëve në vendet e përfshira në një luftë civile ose një konflikt ndërkombëtar.
Shitjet e armëve kufizohen gjithashtu nga një “deklaratë e lidhjes së jashtme të mos rieksportimit”, e cila ndalon dërgimin e armëve të prodhimit zviceran në një vend tjetër pa miratimin paraprak të SECO.
Ndërsa neutraliteti zviceran ka qenë objekt debati që kur vendi vendosi të bashkohet me sanksionet e Bashkimit Evropian kundër Rusisë, çështja e eksportit të armëve është më e qartë dhe ministri i Jashtëm, Ignazio Cassis, përjashtoi dërgimin e armëve në Poloni muajin e kaluar, përcjell tutje albinfo.ch.
Të ngjashme
Të tjera nga Lajme
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim