Vodhën një shtëpi në Glarus, policia zvicerane plagos dy shqiptarë

Tre shqiptarë të dyshuar si të implikuar në vjedhjen e një shtëpi pushimi në Zvicër

Bëhet e ditur nga polica zvicerane se në mbrëmjen e së shtunës dy shqiptarë janë plagosur derisa janë përballur me policinë zvicerane gjatë ikjes, shkruan albinfo.ch.

Sipas burimeve të policisë kantonale të Glarner, thuhet se në orët e mbrëmjes është marrë një telefonat për një vjedhje në një shtëpi pushimi në Glarus (Zurich). Policia doli menjëherë në vendin e ngjarjes dhe u përball me grabitësit e dyshuar, ndaj të cilëve kanë përdorur edhe armët e zjarrit.

Thuhet se grabitësit e dyshuar, derisa po tentonin të largoheshin me veturë, kanë hasur në postblloqe të policisë, të cilët kanë gjuajtur me armë, duke plagosur dy prej tre shqiptarëve të dyshuar si të implikuar në vjedhje, shkruan tutje albinfo.ch.

Lidhur me ngjarjen thuhet se tre personat tentuan të largohen duke u aksidentuar rreth një kilometër më pas.

Ndërkohë që policia zvicerane njofton se të dyshuarit janë shtetas shqiptarë, pa vendqendrim në Zvicër.

Thuhet se njëri prej të plagosurve është në gjendje kritike për jetën, derisa një tjetër ka mbetur i plagosur.

Një tjetër grabitës i dyshuar nuk ka pësuar ndonjë lëndim dhe ai tashmë është arrestuar nga policia. /Albinfo.ch

---