Sot, nga ora 14:00 hapet aplikimi për viza pune në Gjermani

Termini për viza pune në Gjermani: Njoftim i rëndësishëm për aplikantët

Sot do të hapet lista e regjistrimeve për termine për viza pune për muajin korrik, informon albinfo.ch.

Ambasada e Gjermanisë në Kosovë ka bërë të ditur se sot duke filluar nga ora 14:00 do të hapet lista e regjistrimeve për termine për viza pune për muajin korrik.

Sipas njoftimit, aplikimi do të jetë i hapur nga ora 14:00 deri më 13 qershor, po në të njëjtin orar.

“Ju lutem, vini re që dhënia e termineve për viza sipas § 26 Neni 2 Rregullja e Ballkanit Perëndimor do të ndryshojë duke filluar nga 01.12.2021: Për shkak të kërkesës tejet të lartë për caktim të termineve, e cila i tejkalon dukshëm terminet që janë në dispozicion, duke filluar nga dhjetori 2021 terminet do të caktohen nëpërmjet procedures së tërheqjes së shortit”, thuhet në komunikatën e ambasadës. Po ashtu, ndër të tjera u tha se lista e regjistrimeve për termine në qershor është mbyllur. “Lista e regjistrimeve për termine në korrik do të hapet nga 01.06.2022 në orën 14:00 deri më 13.06.2022, në orën 14:00”.

---