Rusia shton Zonjën e Parë të SHBA-së në ‘listën e zezë’

youtube - Jill Biden

Ministria e Jashtme ruse ka shtuar 25 qytetarë amerikanë, përfshirë Zonjën e Parë Jill Biden, në listën e personave non grata, në shenjë hakmarrjeje kundër zgjerimit të sanksioneve nga Shtetet e Bashkuara dhe vendet evropiane.

“Si përgjigje ndaj sanksioneve gjithnjë në zgjerim të SHBA-së kundër figurave politike dhe publike ruse, 25 qytetarë amerikanë do të shtohen në listën e ndalimit”, tha të martën Ministria ruse e Punëve të Jashtme.

Qytetarëve amerikanë në listë, ku përfshihet edhe lideri i pakicës në Senat, Mitch McConnell, u ndalohet hyrja në Rusi për një bazë të pacaktuar, thuhet në deklaratë.