Ukraina nis të eksportojë energji elektrike në Evropë

@pixabay

Zyrtarisht, Ukraina filloi eksportin e energjisë elektrike në Evropë të enjten, tha kryeministri ukrainas, Denys Shmyhal, përcjell albinfo.ch.

“Eksporti i shumëpritur i energjisë elektrike ukrainase në Evropë ka filluar”, shkroi Shmyhal në Telegram.

Shmyhal tha se flukset e para të energjisë elektrike të Ukrainës shkuan në Rumani, me një kapacitet fillestar prej 100 megavatë.

Në të ardhmen, Ukraina synon të rrisë kapacitetin e flukseve të energjisë elektrike në Evropë në 2.5 gigavatë, tha ai.

Sipas Shmyhal, Ukraina ka potencialin të fitojë më shumë se 70 miliardë hryvnyas (rreth 2.4 miliardë dollarë amerikanë) në vit nga eksportet e energjisë elektrike në vendet evropiane.

Në mars, rrjeti elektrik i Ukrainës u sinkronizua me Rrjetin Evropian të Operatorëve të Sistemit të Transmetimit për Energjinë Elektrike.