Parashikimi i motit: Temperaturat sot deri në 33 gradë Celsius

Institutit Hidrometeorologjik të Kosovës ka bërë të ditur se sot në vendin tonë do mbajë mot i nxehtë dhe me vapë.

Sipas IHMK-së, pasditë mund të ketë edhe vranësira që japin riga shiu në formë stuhie.

“Mot kryesisht me diell dhe vapë do të mbajë gjatë pjesës më të madhe të ditës së dielë. Pasdite do të ketë vranësira të pakta, por me mundesi të zhvillimit të tyre dhe riga të izoluara shiu në formë stuhie, Temperaturat minimale do të lëvizin ndërmjet 15-18 gradë Celsius, ndërsa maksimalet e ditës parashihen të lëvizin ndërmejt 30-33 gradë Celsius. Indeksi UV do të jetë i lartë. Do të fryjë erë e lehtë dhe lokalisht e fortë nga drejtimi i veriperendimit”, thuhet në njoftim.