Kosova

I nxehti afrikan, vapë e madhe në Kosovë

I nxehti afrikan në Kosovë

E mërkurë, 20 Korrik 2022 - 9:30 albinfo.ch

Në Kosovë sot do të mbajë mot me diell dhe vapë. Sipas Institutit Hidrometeorologjik, temperaturat minimale do të lëvizin ndërmjet 9-13 gradë Celsius, ndërsa maksimalet e ditës parashihen të lëvizin ndërmjet 29-35 gradë Celsius, përcjell albinfo.ch.

Indeksi UV në vlerat ekstreme, prandaj këshillohet respektimi i këshillave të IKSHP nga ora 10-16 të mos jemi në kontakt direkt me rrezet e diellit ose të bartim masat mbrojtëse.

“Edhe ditët e tjera parashihen të jenë me vapë, prandaj kërkohet kujdes për të gjitha moshat, sidomos shtresa e popullatës që kanë probleme me sëmundje kronike”, ka bërë thirrje IHMK.

Do të fryjë erë e lehtë deri mesatare nga drejtimi i verilindjes dhe jugperëndimit.