Mbi 6 milionë euro të padeklaruara qarkullojnë në Kosovë

@pixabay

Hetimet tatimore në Kosovë vlerësojnë mbi 6 milionë euro qarkullim të fshehur nga tre sektorë specifikë.

“Administrata Tatimore e Kosovës po vazhdon me monitorimin e personave juridik/bizneseve dhe personave fizike, të cilët përfitojnë nga rrjetet sociale, kriptovalutat, si dhe nga pjesa e shpronësimeve. Vetëm gjatë kësaj periudhe nga Departamenti i Hetimeve Tatimore dhe Inteligjencës janë identifikuar 6.1 milionë euro qarkullim nga sektorët e lartcekur, të cilat sipas legjislacionit tatimor në fuqi kanë qenë të obliguara të deklarojnë dhe paguajnë për të hyrat e realizuara, por meqenëse nuk kanë deklaruar vullnetarisht, ATK ka bërë vlerësimin sipas dispozitave tatimore”, thuhet në komunikatën e ATK-së, shkruan KosovaPress.

Më tej në njoftim nënvizohet se ATK ka në dispozicion teknologji të avancuar të cilat sigurojnë mbledhjen e informatave nga burime të ndryshme, sikurse për persona juridik ashtu edhe për persona fizik/individ.