Kosovë: Ministrja e Arsimit deklarohet rreth debatit për lejimin e bartjes së shamisë në shkolla

Në një konferencë për media ajo tha se fushata e ngritur kohëve të fundit është e paqëndrueshme.

Ministrja e Arsimit në Kosovë, Arbërie Nagavci, u deklarua sot për çështjen e bartjes së shamive në shkolla.

“Nuk ka ndonjë udhëzim administrativ për shaminë, nuk ka pasur asnjëherë aq sa unë di. Gjithë kjo fushatë që e shihni kohën e fundit nuk është e bazuar dhe e qëndrueshme. Është e përcaktuar qartë karakteri i shtetit tonë dhe institucioneve publike. Udhëzimit administrativ, të cilit iu kanë referuar, ka të bëjë me mbarëvajtjen e punës në shkollat e mesme të larta. Është e vërtetë që ky udhëzim ka disa çështje ligjore, sepse preambula të cilës i referohet nuk ka të bëjë specifikisht me kompetencat e MASHT-it, por rekomandimet janë dhënë që ai udhëzim të mbetet në fuqi. Udhëzimi do të mbetet në fuqi dhe do shohim si e rregullojmë tutje në aspektin formal ligjor”, tha Nagavci, transmeton Albinfo.ch.

---