Shqipëria
15-vjeçarja që po përfaqëson Shqipërinë në Kupën e Botës për Ski
Është debutuesja me moshën më të re në historinë e kupës së botës. Cilido qoftë rezultati, skiatorja Lara Colturi do të fitojë këtë titull më 22 tetor.
Vetëm 15 vjeç, Lara konsiderohet një fenomen sportiv për nga arritjet dhe synimet. Ajo përfaqësoi Shqipërinë në garën në Kili dhe fitoi vendin e parë.
Presidenti i Federatës së Skive, Elvis Toçi, e konsideron arritje mundësinë për t’u përfaqësuar nga një kampione si Lara.
“Lara është një fenomen, konsiderohet nga shtypi botëror fenomeni më i madh i skive për momentin. Ajo vjen pas fitores së kupës së Amerikës Latine. Shqipëria nuk kishte parë kurrë fitoren e një cirkuiti kaq të madh ndërkombëtar”, u shpreh ai.
Në garën e të shtunës në Austri marrin pjesë 100 skiatorët më të mirë të botës, ku garon edhe Lara, por vendi i parë, për nga mosha dhe eksperienca e sportistëve të tjerë pjesëmarrës, nuk është i lehtë për t’u arritur.
Elvis Toçi ndau dhe një detaj që fatkeqësisht mund t’i ndikojë 15-vjeçares në performancën e saj.
“Lara për fat të keq ka temperaturë. Kemi akoma ditë deri të shtunën, mamaja e saj që është dhe drejtoresha teknike, ka shumë shpresë që antibiotiku të bëjë punën e vet, por ky është fati. Megjithatë kampionët kanë shpirt kampioni”, tha presidenti i Federatës.
Çfarë ngelet është të presim siparin e kupës së botës për ski dhe t’i japim mbështetjen e duhur italianes që përfaqëson vendin tonë në mënyrën më dinjitoze të mundshme.
Njësoj si Formula 1, kampionati do të organizohet çdo dy javë në një shtet të ndryshëm. Gara tjetër do të jetë në Finlandë, më pas në Itali, Austri, Amerikë, Kanada dhe mbyllet në fund të prillit në Itali, në vendlindjen e Larës.
Lara ka pasaportë shqiptare, njësoj edhe nëna e saj, e cila është njëherazi trajnerja e Larës, e mori këtë pasaportë vetëm e vetëm për të stërvitur kombëtaren e Shqipërisë./EuronewsAlbania
Të tjera nga Shqipëria
E-Diaspora
-
Dy shqiptaret që morën vëmendje gjatë ndeshjes Bayern Munich-Real Madrid në Allianz Arena Nuk ka se si të mungojë flamuri 'Kuq e Zi' dhe Shqiponja në "Allianz Arena" ...
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
Jeta në Zvicër
-
Zvicër: Së shpejti pritet ulje e çmimit të faturave të energjisë elektrike Dimri ishte i lagësht dhe i butë. Përveç kësaj, termocentralet bërthamore zvicerane furnizonin mjaftueshëm energji elektrike....
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë