Zvicër: Çmimet e shtëpive alpine rriten

Zvicer - Photo page pixabay

Çmimi mesatar i një shtëpie pushimi në Alpet zvicerane dhe franceze u rrit me pothuajse 6% gjatë vitit të kaluar, pasi puna hibride dhe dëshira për të qenë më afër natyrës rritën kërkesën, zbulon një indeks i pronave të skive, transmeton albinfo.ch.

Kushdo që bleu një shtëpi në Alpet zvicerane ose franceze këtë vit, i është dashur të ‘gërmojë’ shumë më thellë në xhepat e tij se një vit më parë.

Çmimi mesatar i një shtëpie me katër dhoma gjumi u rrit me 5.8% në 23 vendpushimet kryesore të skive në Zvicër (11), Francë (11) dhe Austri (Kitzbühel), të anketuara midis mesit të 2021-ës dhe mesit të 2022-ës, tregon Indeksi i Pronave të Skive të Frank.

Mesatarisht, çmimi i pronës kryesore në Alpet zvicerane dhe franceze u rrit me 13.9% gjatë pandemisë, transmeton tutje albinfo.ch.