Kuriozitete
Elon Musk: Çipi i trurit do të testohet te njerëzit për 6 muaj
Neuralink ka zhvilluar një çip truri që ndërvepron, i cili mund të bëjë që pacientët e paralizuar të mund të lëvizin dhe të komunikojnë sërish.
Mikroçipi në trurin e njeriut shumë shpejt do të bëhet realitet. Për këtë ka njoftuar Elon Musk, i cili tha se pajisja me valë e zhvilluar nga kompania e tij, Neuralink, pritet të nisë me testet klinike njerëzore për 6 muaj.
“Kemi punuar shumë fort që të jemi gati për testin e parë njerëzor dhe natyrisht dëshirojmë të jemi ekstremisht të kujdesshëm dhe të sigurt që do të funksionojë mirë, përpara se të vendosim një pajisje në një njeri”, deklaroi Musk, raporton a2, përcjell Albinfo.ch.
Neuralink ka zhvilluar një çip truri që ndërvepron, i cili mund të bëjë që pacientët e paralizuar të mund të lëvizin dhe të komunikojnë sërish. E bazuar në Teksas të Shteteve të Bashkuara, kompania e Elon Musk ka zhvilluar një sërë testesh të vazhdueshme te kafshët dhe kërkon aprovimin nga rregullatori amerikan për të nisur testet klinike njerëzore.
“Në dy aplikimet e parë, ne do të synojmë rikthimin e shikimit. Jemi të bindur se mund ta bëjmë këtë edhe nëse dikush nuk ka parë asnjëherë në jetën e tij, pra që ka lindur i verbër. Besojmë se mund ta bëjmë këtë pasi pjesa vizuale e korteksit është ende aty. Aplikimi tjetër do të bëhet në motorin e korteksit, ku ne do të rikthejmë për dikë aftësinë për të lëvizur muskujt e tyre, pak e shumë siç ishte rasti i Stephen Hawking, dhe të mundësojmë që ata të përdorin telefonin e tyre më shpejt se dikush që ka duar funksionale”, tha ai.
Musk është i njohur në botë për synimet e tij të mëdha si kolonizimi i planetit Mars dhe shpëtimi i njerëzimit. Me anë të Neuralink, kërkon të ndihmojë në trajtimin e sëmundjeve të trurit, si Parkinsoni, demenca dhe Alzhaimer. Ai gjithashtu ka folur shpesh edhe për përzierjen e trurit njerëzor me inteligjencën artificiale./Albinfo.ch
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla