Lajme
184 refugjatë duhet të mbeten në Zvicër sepse nuk i pranon Italia
Megjithatë, autoritetet zvicerane presin se "Italia së shpejti do të jetë në gjendje të përmbushë përsëri detyrimet e saj sipas sistemit të Dublinit"
Sekretariati Shtetëror për Migracionin (SEM) ka konfirmuar sot një raport të publikuar në “NZZ am Sonntag” se Italia ka informuar shtetet e Dublinit më 5 dhjetor për një pezullim të përkohshëm të transfertave sipas parimit të të Dublinit.
Si rezultat, 184 persona, refugjatë të cilët në Zvicër kanë ardhur përmes Italisë, nuk mund të kthehen aktualisht në Itali.
Sipas SEM, Italia aktualisht po regjistron një “numër jashtëzakonisht të lartë ardhjesh”, transmeton albinfo.ch. Prandaj kapacitetet për pranimin e tyre fillestar janë të mbingarkuar përkohësisht.
Refugjatët “e Dublinit” janë personat që kanë aplikuar për azil në Zvicër, por për të cilët Italia është përgjegjëse si shteti i parë i hyrjes, sipas Marrëveshjes së Dublinit.
184 personat e “bllokuar” janë 152 persona refugjatë dhe 32 persona tjerë, që qëndrojnë ilegalisht në Zvicër, vazhdon SEM. Zvicra ka marrë parasysh informacionin nga Italia dhe ka anuluar disa transferime që ishin përgatitur tashmë, thuhet në një njoftim.
Megjithatë, autoritetet zvicerane presin se “Italia së shpejti do të jetë në gjendje të përmbushë përsëri detyrimet e saj sipas sistemit të Dublinit”. Po ashtu, nga kjo masë nuk do të preken transfertat e bazuara në marrëveshjen dypalëshe të ripranimit midis Zvicrës dhe Italisë.
Për kantonet, hapi i Italisë vjen në një kohë kur ato tashmë kanë arritur kufijtë e tyre të skajshme kur bëhet fjalë për akomodimin e shumë azilkërkuesve, përcjell albinfo.ch. “Këta 184 persona bllokojnë kapacitetet e pakta që ne më mirë do t’i përdorim për ata që kërkojnë azil dhe mund të qëndrojnë këtu më gjatë”, ka thënë në raportin e gazetës Florian Düblin, Sekretar i Përgjithshëm i Konferencës së Drejtorëve Kantonale të Drejtësisë dhe Policisë.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse