Lajme
Vjenë: Bënë thirrje fashiste ndaj shqiptarëve, autoritetet austriake dënojnë ashpër huliganët serbë
Autoritetet austriake kanë dënuar me gjoba të larta huliganët serbë, të cilët pas humbjes së ndeshjes së Serbisë ndaj Zvicrës, në “Katar 2022”, kishin dalë në rrugët e Vjenës duke bërë thirrje fashiste ndaj shqiptarëve dhe sulmuan policinë austriake
Eliminimi i përfaqësueses serbe nga ekipi zviceran në botërorin “Katar 2022” zgjoi zemërim të madh te tifozët serbë. Kjo për më tepër që eliminimi erdhi për të dytën herë radhazi nga botërori, nga dy lojtarët kryesorë të ndeshjes, shqiptarët Xherdan Shaqiri dhe Granit Xhaka, shkruan albinfo.at.
Tifozët serbë e kishin përjetuar shumë keq këtë sfidë dhe shembulli më i qartë është ai që kishte ndodhur në fillim të dhjetorit në Vjenë.
Rreth 150 persona kishin bllokuar rrugët dhe kishin nisur mjetet piroteknike. Ata hodhën shishe edhe ndaj policisë austriake që kishin ardhur për të shpërndarë turmën.
“Vritini, masakrojini, që shqiptarët të mos ekzistojnë më”, ishin vetëm disa thirrje fashiste që u kënduan nga grupet e serbëve në rrugët e qarkut Ottakring të Vjenës, ku më pas u përleshën edhe me forcat e policisë austriake, kishte raportuar albinfo.at.
Më pas policia mobilizoi forca shtesë. Është dashur të thirret edhe njësia speciale WEGA. Policët austriak bllokuan rrugët rreth turmës dhe rrethuan pjesëmarrësit. Disa u arrestuan. Të gjithë iu nënshtruan një kontrolli dhe u identifikuan. Tani kjo ka pasoja. Gjobat për huliganët serbë janë të larta. Gazeta austriake “Kronen Zeitung” raporton se secili prej tyre i përfshirë në atë turmë, do të paguajë deri në 500 euro.
“Turma donte të marshonte drejt qendrës së qytetit. Kjo duhej të ndalohej”, kishte thënë zëdhënësi i policisë, Markus Dittrich, në atë kohë.
Gjatë kësaj ndeshje Zvicra fitoi me rezultat 3-2, me njërin nga golat e shënuar nga Xherdan Shaqiri, ndërsa lojtari i ndeshjes u shpall Granit Xhaka.
Ndeshja u zhvillua nën tensione të larta, veçanërisht “halë në sy” për tifozët, futbollistët dhe trajnerin serb ishin futbollistët shqiptarë, shkruan albinfo.at.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit