1100 persona aplikuan për marrjen e shtetësisë së Kosovës

Ani pse shumë kosovarë duan të heqin dorë nga shtetësia e Kosovës, ka persona të huaj që duan të jenë shtetas të Kosovës, përcjell albinfo.ch.

Në një prononcim për mediat e Kosovës, Liridon Neziri, nga Departamenti për Shtetësi, Azil dhe Migracion, tha se kërkesat për shtetësi të Kosovës kryesisht janë për bashkim familjar dhe në toatal kishte 1 mijë e 100 kërkesa.

Vlen të theksohet se nga mbi 1 mijë kërkesa për marrjen e shtetësisë së Kosovës, prej tyre mbi 400 janë të aprovuara, ndërkaq prijnë kërkesat për bashkim familjar, kërkesa nga diaspora, ndërkaq një numër i vogël janë edhe kërkesat për marrjen e shtetësisë në bazë të qëndrimit. Liridon Neziri, nga Departamenti për Shtetësi, Azil dhe Migracion.

Sipas tij, e drejta për ta marrë shtetësinë përmes qëndrimit në Kosovë, zgjat deri në dhjetë vjet. Fillimisht personat duhet të kenë leje qëndrimi të përkohshëm për 5 vjet, e pastaj të marrin lejeqëndrimin edhe për 5 vjet të tjera.

“Minimumi i qëndrimit në territorin e Republikës së Kosovës për të marrë shtetësinë në bazë të qëndrimit, është 10 vjet”, tha Neziri.