Zvicra ndihmon zhvillimin profesional të grave shqiptare në politikë

Ambasadori i Zvicrës në Kosovë uron pjesëmarrëset në programin “Zhvillimi profesional i grave të reja në politikë”, shkruan albinfo.ch.

Zvicra mbështet Jahjaga Foundation, i cili u jep grave të reja aftësi dhe njohuri për të bërë që zërin i tyre të dëgjohet në politikën lokale.

Barazia gjinore dhe pjesëmarrja gjithëpërfshirëse në politikë në të gjitha nivelet është në thelb të përpjekjes së Zvicrës në Kosovë.

Fondacioni Jahjaga dje shënoi përmbylljen e programit “Zhvillimi i njohurive mbi qeverisjen lokale”, nga i cili u diplomuan 25 vajza të reja për përfundimin me sukses të tri fazave të këtij programi, përcjell albinfo.ch.

Përmes këtij programi Fondacioni Jahjaga synon të përgatisë vajzat e reja me njohuritë dhe aftësitë e nevojshme për qeverisjen lokale, dhe rrjedhimisht një të ardhme në politikë, duke fuqizuar kështu pjesëmarrjen e grave në jetën politike në vend.

Fuqizimi dhe përkrahja e të rinjve është investimi i duhur për një të ardhme më të ndritur të vendit tonë.