Numri më i ri revistës albinfo.ch, në shenjë të 15 vjetorit të Pavarësisë së Kosovës

Sapo ka dalë nga shtypi numri më i ri i revistës albinfo.ch. Ky numër, siç mund të pritej, i kushtohet përvjetorit jubilar të shpalljes së pavarësisë së Kosovës, 17 Shkurtit. Nisur nga kjo, shumica e teksteve të revistës i kushtohet kësaj date, më të rëndesishmes në historinë e Kosovës.

Një bllok tematik është në funksion të shënimit të 17 Shkurtit, duke filluar me editorialin që vjen me po këtë temë. Këtu hyjnë tesktet mbi faktet rreth shpalljes së pavarësisë, intervista me Shemsi Sylën, zëvendësministër i mbrojtjes i Republikës së Kosovës, një përmbledhje e marrëveshjeve që Kosova ka lidhru me Zvicrën gjatë këtyre viteve etj.

Përveç tematikës festive, në këtë numër të revistës mund të lexoni edhe disa tema interesante, si prezantimin e Ilir Morinës, djaloshit shqiptar që ka vizituar një numër rekord shtetesh, 201 sosh, pastaj intervistën me Fiqrete Ymeraj-Haziri, soprano në teatrin e St.Gallenit etj.

Nuk mungojnë në këtë numër edhe rubrikat standarde, si ajo e librit, e kinemasë, fjalëkryqi, horoskopi etj.

Në emrin e stafit që ka realizuar këtë numër, ju urojmë të gjithëve: Gëzuar 17 Shkurtin, Ditën e Pavarësisë së Kosovës!