Shqipëria
Sulmi me pasojë vrasjen e rojës së Top Channel, sulm ndaj fjalës së lirë
Autoriteti i Mediave Audiovizive në Shqipëri ka dënuar sulmin ndaj Top Channel, duke shtuar se goditja e një mjedisi mediatik është një goditje ndaj demokracisë, ndaj lirisë së fjalës dhe mendimit. Ngjarja e mesnatës së kaluar, kur godina e televizionit Top Channel ishte objekt një sulmi me armë zjarri, me pasojë humbjen e jetës së një punonjësi të sigurisë, po përcillet me shumë shqetësim nga Autoriteti i Mediave Audiovizive. Goditja e një mjedisi mediatik është një goditje ndaj demokracisë, ndaj lirisë së fjalës dhe mendimit”, thuhet në njoftimin e AMA-së.
Presidenti Bajram Begaj ka kërkuar nga organet ligjvënëse të zbardhin rastin e vrasjes së rojës së sigurisë së Top Channel dhe sulmin ndaj medias. “Ngjarje vërtet e rëndë ajo e orëve të para të mëngjesit, ku godina e televizionit kombëtar “Top Channel” është qëlluar me armë, e ku për pasojë ka humbur jetën roja e sigurisë, Pal Kola. Teksa i shpreh ngushëllimet e mia familjes së z. Kola, inkurajoj organet ligjzbatuese ta zbardhin sa më shpejt dhe me përgjegjshmërinë më të lartë këtë ngjarje kriminale”, shkruan Begaj, përcjell albinfo.ch.
Kryeministri Edi Rama ka reaguar pas vrasjes së rojës së Top Channel nga të shtënat në drejtim të objektit. Rama e ka quajtur aktin si agresion kriminal dhe ka kërkuar hetim nga autoritetet. “Agresioni kriminal ndaj TCH me pasojë edhe një humbje jete të personelit të sigurisë, kërkon përgjigje të qartë nga agjencitë ligjzbatuese! Ngushëllime familjes së të ndjerit dhe krejt bashkësisë së TCH, e cila meriton solidaritetin e të gjithëve në këtë moment kaq shqetësues”, ka shkruar Rama, përcjell albinfo.ch.
Kryetarja e Kuvendit të Shqipërisë, Lindita Nikolla, po ashtu ka dënuar aktin. “Sulmi me armë ndaj TV kombëtar “Top Channel” dhe vrasja e një prej personelit të sigurisë është një ngjarje e rëndë që kërkon veprim të menjëhershëm e profesional nga agjencitë ligjzbatuese”, ka shkruar Nikolla, duke u shprehur edhe ngushëllime familjarëve e medias, përcjell albinfo.ch.
Persona ende të panjohur pas mesnatës kanë gjuajtur me armë në drejtim të objektit të Top Channel, si pasojë mbeti i vrarë roja Pal Kola. Deri më tani ende nuk dihen motivet e sulmit.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas