Lajme
Gjermani: Bileta 49 euro, në dispozicion prej sot
Bileta do të jetë e vlefshme në gjithë transportin publik lokal dhe rajonal në Gjermani, d.m.th. në trenat rajonalë, autobusët, tramvajet etj.
Abonimi mujor prej 49 eurosh për autobusë dhe trena në transportin lokal dhe rajonal në Gjermani, është tashmë i disponueshëm, transmeton albinfo.ch. Shitjet kanë filluar të hënën mbrëma në platformat dhe aplikacionet online të kompanive dhe shoqatave rajonale të transportit si dhe në Deutsche Bahn.
Bileta prej 49 eurosh, e cila mund të përdoret nga muaji maj, është pasardhëse e biletës 9 euro që ishte në dispozicion për tre muaj verën e kaluar, shkruan srf.ch. Ajo synon të bëjë transportin publik rajonal dhe lokal më të përballueshëm dhe në këtë mënyrë të tërheqë më shumë pasagjerë.
Bileta do të jetë e vlefshme në gjithë transportin publik lokal dhe rajonal në Gjermani, d.m.th. në trenat rajonalë, autobusët, tramvajet, trenat nëntokësorë dhe periferikë. Ndërsa përfshihen këtu autobusët dhe trenat në distanca të gjata – si ICE, EC dhe IC i Deutsche Bahn ose ofrues të tjerë.
A duhet të blihet sërish bileta çdo muaj?
Për të blerë biletën duhet të paguhet një abonim, i cili rinovohet automatikisht, përcjell albinfo.ch. Por abonimi mund të anulohet në baza mujore.
Si ofrohet?
Bileta ofrohet gjithmonë në mënyrë dixhitale, pra nëpërmjet një aplikacioni në smartphone. Duhet të ketë gjithashtu një kartë çipi – dhe fillimisht do të pranohet edhe në formë të shtypur. Bileta është personale, pra e patransferueshme.
Pas disa muajsh mospajtimesh, qeveria federale dhe ato të landeve (republikave) kishin rënë dakord që secila të mbante gjysmën e kostos së biletës.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet