Maqedonia
Tetovë: Inaugurohet gurthemeli i Korridorit 8 dhe 10-D
Fillojnë punimet për Korridorin 8, projekt në vlerë prej 1.3 miliardë euro
Pa dyshim se sot është ditë historike për qytetarët e Maqedonisë së Veriut dhe jo vetëm. Pikërisht sot u vu gurthemeli i Korridorit 8 që do të bëjë lidhjen e vendeve të Ballkanit perëndimor, e që pa dyshim se do të përfitojnë edhe shqiptarët, duke forcuar urat e bashkëpunimit midis Maqedonisë së Veriut, Kosovës dhe Shqipërisë, përcjell albinfo.ch.
Kjo autostradë do të jetë prej 6 korsish, e cila fillon nga Kumanova e Shkupi, Tetova e Gostivari, Kërçova e Struga, deri në Tiranë, Durrës e Vlorë. Ky projekt do te realizohet nga kompania amerikano-turke “Bechtel –Enka”. Projekti mund të cilësohet si projekti më i madh që nga historia e pavarësisë së Maqedonisë dhe kap vlerën mbi 1.3 miliardë euro.
Kryeministri Dimitar Kovaçeski tha se ky investim nuk do jetë i vetmi, por do të jetë edhe gurthemeli i investimeve të reja.
“Sot nis një ofensivë e fortë ndërtimore për ndërtimin e pjesës perëndimore të Korridorit 8. Gurthemeli i Korridorit 8 nuk është vetëm fillimi i një infrastrukture të re rrugore, është edhe gurthemeli i investimeve të reja, hapja e tregjeve të reja, mundësi për bashkëpunime të reja si mes kompanive vendore, ashtu edhe ndërkombëtare. Ndërtimi i Korridorit 8 nënkupton më pak shpenzime për transport, transport më të shpejtë, lidhje dhe integrim të Maqedonisë së Veriut, si dhe zhvillim ekonomik dhe rajonal të vendit”, deklaroi kryeministri Dimitar Kovaçevski.
“Të filloj nga z. Kovaçevski, ish-kryeministri Zaev, të gjithë deputetët, kryetarët e komunave për përkrahjen, të gjithë anëtarët e komitetit në qeveri, Ndërmarrjen për Rrugët Shtetërore, Ambasadën e SHBA-së dhe jam shumë krenar që “Bechtel Enka” do të ndërtojë këtë projekt madhor. Më së shumti falënderoj një njeri që na dha ëndrrën e tij dhe na mundësoi ta realizojmë, “Bac u krye, kryetar u krye”, theksoi zëvendëskryeministri i parë, Artan Grubi.
“Sot po fillojmë këtë projekt kapital nga autostrada Tetovë-Gostivar, javës tjetër Prilep-Manastir nga projekti 10-D, në këtë muaj startojmë dhe me pjesën Gostivar-Bukojçan e deri në Qafë Thanë. E dimë që është sfidë e madhe, mirëpo pengesat u tejkaluan, ndaj presim realizim të suksesshëm në këtë projekt që lidh rajonin në tërësi”, u shpreh ministri i Transportit dhe Lidhjeve, Bllagoja Boçvarski.
“Korridore që do të nënkuptojnë forcimin e lidhjeve ekonomike dhe tregtare, jo vetëm më fqinjët, por edhe me fqinjët e tyre. Në këto katër vjet e shtatë muajt e ardhshëm, me Marrëveshjen për ndërtimin e Korridorit infrastrukturor 8 dhe atij 10-D, me partnerin strategjik konsorciumin “Bechtel & Enka” do të ndërtohen katër drejtimet rrugore të këtij rrjeti autostradash evropiane”, deklaroi drejtori i N.P. “Rrugët Shtetërore”, Ejup Rustemi.
“I lumtur që do të punojmë në një projekt që lidh rajonin, aq më tepër do të shënojmë edhe një projekt kualitativ në Ballkan, një projekt të rëndësishëm dhe me një rëndësi kaq të madhe lidhëse. Faleminderit qeverisë dhe partnerëve që besuan punën tonë”, theksoi kryetari i Departamentit të Infrastrukturës, Bechtel Shon Kenny.
Të pranishëm në ceremoninë e gurthemelit të Korridorit 8 ishin liderë të partive politike, biznesmenë, funksionarë të lartë qeveritarë. Ky projekt pritet të përfundojë në dhjetor të vitit 2027.
Të tjera nga Maqedonia
E-Diaspora
-
Komuniteti shqiptar në Itali merr pjesë në “Festën e Popujve” në Bari Bëhet e ditur se komuniteti shqiptar në Itali ka marrë pjesë në “Festën e Popujve” në...
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
-
Itali: Shqiptari e godet 8 herë me thikë ish-pronaren e hotelit ku punonte
-
‘Noli Film Festival’: Kinematografia shqiptare zbret në Boston për 3 ditë
Jeta në Zvicër
-
Albian Hajdari mund të jetë befasia e Zvicrës në Evropian Bëhet fjalë për 21-vjeçarin Albian Hajdari, i cili është ftuar nga Përfaqësuesja A e Zvicrës për...
-
Zviceranët duan të ndajnë tri punët shtëpiake në mënyrë më të drejtë
-
Në Zvicër konsumohen 50 kg mish për kokë banori në një vit
-
Praktika mbetet zgjedhja e parë për të rinjtë zviceranë
-
Rreziku nga vërshimet, merren këto masa në disa kantone