Muzikë
Rita Ora paralajmëron këngë me Fatboy Slim
Duket se Rita Ora po e vazhdon kampanjën reklamuese për albumin e saj të tretë të incizuar në studio, përcjell albinfo.ch.
Vlen të theksohet se Rita tashmë e ka paralajmëruar lansimin e këngës së re me titull “Praising You”, në të cilën i përfshirë edhe një mysafir shumë special.
Këngëtarja me prejardhje kosovare dhe famë botërore e filloi vitin 2023 me publikimin e këngës “You Only Love Me” dhe, siç duket, nuk e ka ndërmend të ndalet me kaq.
32-vjeçarja i shfrytëzoi rrjetet sociale për ta paralajmëruar videoprojektin e radhës, për të cilin shprehet jashtëzakonisht e entuziazmuar. Kënga e re “Praising You” vjen me DJ-in ikonik, Fatboy Slim.
Pasi e konfirmoi datën e lansimit, që do të jetë 19 prilli, Ora iu ndau disa pamje të shkurtra nga prapaskenat e xhirimit të videoklipit, i cili vjen me regji të bashkëshortit të saj, Taika Waititi.
Së fundmi, Rita tha se beson se do të duhej të realizohej një film që do ta dokumentonte rrugëtimin e saj drejt famës dhe suksesit, dhe se ajo do të duhej të angazhohej për ta portretizuar veten në atë projekt.
“Mendoj se do të ishte një rol vërtet i mrekullueshëm i një vajze, e cila rritet në lagjet e varfra të Londrës, dhe me shumë sfida dhe punë arrin të bëhet e suksesshme. Filmi do të ishte një dramë e errët e përzier me pak komedi. Megjithatë do të më pëlqente që unë ta portretizoja veten në moshë të rritur, kurse Ritën e vogël, nuk kam ide se kush do të mund ta luante”, deklaroi ajo për gazetën “The Daily Star”.
Ylli i hitit “Hot Right Now” vitin e kaluar nënshkroi marrëveshje bashkëpunimi me kompaninë incizuese “BMG”, dhe si pjesë e kontratës i është dhënë e drejta e materialit të saj muzikor.
Këngëtarja dhe aktorja e famshme tani i këshillon artistët e rinj, të cilët nuk janë të sigurt se si duhet ta mbrojnë punën e tyre.
Të tjera nga Muzikë
E-Diaspora
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Zvicër
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë