Boksieri Altin Zogaj fitoi titullin e kampionit të Evropës

Altin Zogaj fiton titullin e Evropës në IBO

Boksieri nga Kosova, Altin Zogaj, është shpallur kampion i Evropës në IBO. Ai të shtunën e ka mposhtur italian Riccardo Valentino. Zogaj fitoi me vendim unanim të gjyqtarëve, shkruan albinfo.ch.

Meçi u zhvillua në Stuttgart të Gjermanisë. Boksieri nga Kosova ende nuk e ka humbur asnjë luftë të zhvilluar. 30-vjeçari nga 12 meçe i ka 12 fitore.

Në Scharrena Stuttgart, më 17.06.2023 është mbajtur eventi i boksit, të organizuar nga Team Zogaj, ku lufta kryesore është zhvilluar në mes të kampionit ndërkombëtar të Gjermanisë, z. Altin Zogaj, dhe italianit Ricardo Valentino. Gjatë mbrëmjes janë zhvilluar gjithsej 8 meçe në boks, ku 4 bokserë ishin shtetas të Kosovës, ata ishin: Arianit Krasniqi, Dion Shabani, Drilon Rama dhe protagonisti Altin Zogaj.

Në këtë event madheshtor me mijëra shikues, në mesin e tyre qindra bashkatdhetarë, mori pjesë edhe Konsulli Besnik Miftaraj, i cili më kërkesë të organizatorit i përshendeti mjëra të pranishëm dhe përgëzoi për organizimin e mrekullueshëm.

Sfida kryesore për titullin e Evropës në IBO në kategorinë gjysmë të rëndë e zhvilluar mes Altin Zogajt dhe Ricardo Valentino përfundoi me fitorën e shtetasit kosovar, Altin Zogaj, pas pikëve të jurisë së federatës së boksit IBO.

Në këtë event boksi kishte mysafirë të ndryshëm nga jeta publike dhe ekonomike, të cilët vlerësuan mbarëvajtjen dhe luftërat e zhvilluara.

---