Kosova
Kryeministri i Kosovës: Atmosfera me pesë vendet mosnjohëse, më e mirë se më parë
Kryeministri i Kosovës, Albin Kurti, në Forumin Strategjik të Bledit, ka thënë se pret që pesë vendet mosnjohëse, anëtare të Bashkimit Evropian, të ndryshojnë qëndrimin e tyre dhe t’i bashkohen shumicës së vendeve të Bashkimit Evropian që e njohin pavarësinë e Kosovës.
“Janë disa hapa të vegjël konkretë dhe shpresojmë që ata të ndryshojnë qëndrimin e tyre dhe në këtë mënyrë t’i bashkohen shumicës së vendeve të BE-së që na njohin. 22 nga 27 vende na njohin në BE, 26 nga 30 në NATO dhe 34 nga 36 në Këshillin e Evropës”, ka thënë ai.
Kurti deklaroi se Kosova është në krye të gjashtëshes së Ballkanit Perëndimor sa i përket sundimit të ligjit, luftës kundër korrupsionit, lirive politike dhe të drejtave civile dhe pret që të ketë më shumë bashkëpunim e t’i bashkohet BE-së jo vetëm për të përfituar prej saj, por edhe për të kontribuuar.
Në anën tjetër, ai ka konsideruar se është e rëndësishme të ketë njohje reciproke brenda Ballkanit Perëndimor.
“Ajo që unë e konsideroj të rëndësishme për rajonin tonë është që me këto njohje, njohje reciproke të mbarojmë të 6 vendet e BB-së si rajon, sepse njohjet de-facto dhe de-jure janë të ndara në Ballkan. Dhe mbrojtjen e të drejtave të pakicave në gjithë rajonin. Mendoj se brenda pak vitesh ne mund të bëhemi anëtarë të BE-së”, është shprehur ai.
I pyetur për situatën në veri, Kurti ka treguar se tash e dy muaj nuk ka protesta të dhunshme dhe është ulur dy herë për nga 25 për qind prania e Policisë së Kosovës.
“Ne kemi nevojë për deeskalim, kemi nevojë për zbutjen e tensioneve dhe tash e dy muaj që në komunat veriore të Kosovës nuk ka protesta dhe incidente të dhunshme, ne kemi ulur dy herë për 25 për qind të Policisë së Kosovës në këto ndërtesa komunale dhe mezi pres që kemi zgjedhje të parakohshme në komunat veriore dhe shpresoj se do të kemi një fushatë të drejtë dhe të hapur për zgjedhje të lira dhe demokratike, kemi nevojë për ndihmën e bashkësisë ndërkombëtare, por në anën tjetër, besoj se njerëzit në Kosovë e kuptuan se ata që integrohen, ata jetojnë më mirë”, ka thënë ai.
E-Diaspora
-
Gjermani
I riu nga Kosova, Adrian Simnica, mban fjalim në Bundestagun Gjerman Shqiptari nga Kosova përzgjidhet në programin prestigjioz “Jugend und Parlament”, duke përfaqësuar të rinjtë në zemër... -
Fatlume Bunjaku bëhet anëtare e Akademisë Evropiane të Filmit -
Numërimi i votave të para nga diaspora ia shton një ulëse VV-së -
KQZ vazhdon numërimin e votave në përfaqësitë diplomatike: Vetëvendosje në epërsi të thellë me 83.55% -
Ulëset aktuale në Kuvend të Kosovës pêr partitë, diaspora mund të ndryshojë numrin përfundimtar
Jeta në Zvicër
-
Zvicra miraton ligjin për falimentim personal: qytetarët e mbi-borxhuar mund të lirohen nga borxhet pas 3 vitesh Parlamenti zviceran ka miratuar një projektligj të ri që u mundëson personave të mbi-borxhuar të shpallin... -
Kriza e thellë e Cremo-s: paralajmërime se rënia e saj mund të tronditë gjithë industrinë e qumështit në Zvicër -
Aktori me origjinë shqiptare Dashmir Ristemi në rolin kryesor të filmit të ri zviceran “Von dem, was bleibt” -
Parlamenti miraton vazhdimin e Swisscoy në Kosovë deri në fund të vitit 2029 -
Cilat segmente zvicrane do të preken nga kufizimet strikte gjatë Samitit të G7 që mbahet në Francë?
