Ukraina

Këshilltari i presidentit ukrainas: Elon Musk i lejoi rusët të godisnin qytetet ukrainase

E premte, 8 Shtator 2023 - 16:40 albinfo.ch
Keystone EPA/ALEXANDER BECHER

Elon Musk është kritikuar nga këshilltari presidencial ukrainas, Mykhailo Podolyak, se ka lejuar indirekt forcat ruse të sulmojnë qytetet ukrainase, pasi u zbulua se komunikimi i tij satelitor “Starlink” ndërhyri në një operacion me dron.

Një gjë e tillë u bë e ditur përmes disa inserteve të publikuara nga në një biografi e Musk nga Walter Isaacson, që pritet të dalë më 12 shtator. Libri përshkruan se si rrjeti çaktivizoi komunikimet pranë bregut të gadishullit të Krimesë, të pushtuar nga Rusia, ndërsa dronët ukrainas po iu afroheshin anijeve luftarake ruse, duke rezultuar në “humbjen e lidhjes”.

Sipas librit, Musk dyshohet se urdhëroi inxhinierët e Starlink të fiknin komunikimet, pasi kishte frikë se presidenti i Rusisë, Vladimir Putin, do t’i përgjigjej me armë bërthamore një sulmi ukrainas në Krime, përcjell albinfo.ch.

“Unë mendoj se nëse sulmet ukrainase do të kishin arritur të fundosnin flotën ruse, do të kishte qenë si një mini Pearl Harbor dhe do të çonte në një përshkallëzim të madh. Ne nuk donim të ishim pjesë e kësaj”, kishte thënë Musk.

Ndryshe, shërbimi i Starlink, SpaceX, është përdorur nga trupat ukrainase në disa përpjekje, përfshirë komunikimet në fushëbetejë.

 Të tjera nga Ukraina

Papa Leoni: Paqja në Ukraina nuk duhet të vonohet

 E-Diaspora

 Jeta në Zvicër