Kosova

Kryeministri i Kosovës: Gjatë trazirave në veri, u përfshinë anëtarë të Wagner

E diel, 10 Shtator 2023 - 21:20 albinfo.ch
FB: Albin Kurti

Kryeministri i Kosovës, Albin Kurti, ka deklaruar se ka pranuar ”letër kërcnuese nga terroristët” lidhur me sekuestrimin nga Policia e Kosovës të një sasie të madhe të armëve dhe municionit në veri të vendit.

”Kemi konfiskuar një sasi të madhe municionesh dhe kallashnikovë nga një shtëpi në një komunë me shumicë serbe në veri të Kosovës. Pak para se të vija në intervistë, mora një tjetër letër kërcënuese nga terroristët, ku thuhej me tallje se armët që kishim sekuestruar ishin vetëm një pjesë e vogël e pajisjeve të tyre”, ka thënë ai në një interviste për median estoneze Delfi, shkruan albinfo.ch.

Duke folur për gjendjen në veri të Kosovës, Kurti ka thënë se disa nga personat e përfshirë në trazirat e ndodhura në veri pak muaj më parë kanë qenë pjesëtarë të grupit mercenar Wagner.

Kryeminstri i Kosovës u deklarua edhe për posedimin e provave që, siç tha ai, ”disa nga serbët që bojkotuan zgjedhjet ishin të lidhur me grupin Wagner, madje disa prej tyre ishin anëtarë të grupit mercenar”.

 Të tjera nga Kosova

Osmani, pas takimit të saj me mërgatën në Zvicër: Të gjithë na bëjnë krenarë

 E-Diaspora

 Jeta në Zvicër